80-годишен дедо фатен со 16 пакетчиња кокаин во Сплит, на полицајците рекол „Тоа е за здравје, се препородив“

Истражниот судија на Сплитскиот окружен суд му одреди куќен притвор со електронски мониторинг на 80-годишен дедо кој беше уапсен минатата недела со 16 пакувања кокаин. Тој е осомничен и за продажба на едно пакување од половина грам кокаин, пишува порталот Далматински.

Осомничениот 80-годишен маж ја оспорува продажбата и тврди дека кокаинот пронајден во неговата куќа бил за негова лична употреба. Тој изјавил дека ја земал дрогата од здравствени причини и дека таа го препородила.

На мажот му е поставен уред за мониторинг на ногата и не му е дозволено да ја напушта куќата а бидејќи живее сам, сосед ќе му носи храна и други потребни работи. 

Куќниот притвор е одреден поради ризик од повторување на делото.