Албанија прва во светот по зголемување на бројот на туристи
Светскиот туристички барометар покажува дека класичните дестинации за летен одмор како Шпанија, Грција и Турција привлекуваат најмногу туристи, но кога станува збор за највисок процентуален раст на туристи во последните пет години, преовладуваат други дестинации, а Албанија е на прво место.
Информацијата преку социјалните мрежи ја сподели премиерот Еди Рама, објавувајќи ја табелата и најавувајќи понатамошно зголемување на бројот на туристите.
„Албанија го зазема првото место во светот како дестинација со најголем пораст на бројот на туристи во 2024 година, развој незамислив пред неколку години.
По рекордната година за туризам, кога Албанија ја посетија над 10,7 милиони туристи, целта за 2025 година е уште поамбициозна, 12 милиони посетители, пишува Рама.
Албанија доживеа значителен раст на туризмот во последните години.
Според бројките, земјата пречекала 7,5 милиони туристи во 2022 година, а следната тој број бележи зголемување за околу 30 отсто, односно 10,1 милиони.
Оваа бројка го покажува континуираниот раст на интересот за земјата како туристичка дестинација, благодарение на инвестициите во инфраструктурата, промоцијата на Албанија во странство и зголемувањето на авиокомпаниите и тур-операторите, кои ја додадоа во нивните програми за патување.
Ново на Сител
-
Возач удрил 13-годишно девојче и избегал од местото на настанот
-
37-годишна жена два пати физички нападната во Скопје од својот сопруг во текот на еден ден
-
Тепачка помеѓу 6 лица во Ѓорче Петров, употребувани тврди предмети и оштетени две возила
-
Кривична за двајца полициски службеници, дозволиле да застарат 14 дела за тешки кражби
-
Мицкоски: Имаме организиран пристап и ќе продолжиме да помагаме на семејствата на настраданите во кочанската дискотека
-
Го оштетиле буџетот за 2,2 милијарди денари, поднесени обвиненија за „Онкологија“
-
Мицкоски за дивоградбата во Чаир: Градоначалничката на Град Скопје има ингеренции и треба да постапува
-
Лишен од слобода крадец во Куманово, одземеното е пронајдено