Антарктички глечер со најбрзо повлекување во современата историја

Според тимот научници, предводени од Универзитетот на Болдер, Колорадо, САД, речиси 50 отсто од глечерот се распаднал во текот на два месеци. До откритието истражувачите дошле по анализа на геофизички податоци и сателитски снимки. Така, мразот се повлекол за околу 25 км меѓу јануари 2022. и март 2023 година. Членот на тимот, Тед Скамбос смета дека повлекувањето на глечерот „е малку шокантно“, пренесува ДПА.
- Ваквото брзо повлекување навистина го менува она што е можно за други, поголеми глечери на континентот. Ако истите услови се постават во некои други области, тоа би можело значително да го забрза покачувањето на нивото на морето (околу Антарктикот), додаде Скамбос.
Подлогата на рамна карпа на глечерот му овозможила да лебди и откако тој значително и брзо се истенчил.
- Кога прелетавме над Хекторија на почетокот на 2024 година, не можев да верувам колку огромен дел се урива, рече водечката авторка Наоми Очват.
- Ги видов фјордот и битните планински одлики на сателитските снимки, но тоа што го видов таму - ме вџаши.
Таа вели дека користењето сателитски податоци од страна на тимот истражувачи во различни временски точки било клучно за откривање на брзината на топењето.
МИА
Ново на Сител
-

Со сведочење на ќерката на првообвинетиот Дејан Јованов продолжува судењето за пожарот во „Пулс“
-

Триесет и пет години од првиот Устав на независна Македонија
-

Сончево и топло до 20 степени
-

Пораз на македонската репрезентација од Словенија со 0:3
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
