Астероид именуван по папата Лав XIII

Астероид е официјално именуван по поранешниот папа Лав XIII, соопшти Ватикан вчера. Вселенската карпа сега орбитира околу Сонцето под новото име Џиоакинопечи (Gioacchinopecci).
Џиоакино Печи, кој бил титулиран како папа Лав XIII (1810 – 1903) е Италијанец, и тој ја напишал првата социјална енциклика на Римокатоличката црква – формално папско писмо со упатства испратено до сите епископи. Историјата сè уште го помни како „Папа на работниците“. Наследството на Лав XIII ја вклучува и Ватиканската опсерваторија, којашто тој ја основал. Фотографии од почетокот на 20 век ги покажуваат куполите на телескопите на опсерваторијата на ѕидовите на Папската Држава.
Астероидот што е именуван по него првпат го откриле литванскиот астроном Казимиерас Чернис и астрономот од Ватиканската опсерваторија, отец Ричард П. Бојл.
Лав XIII не е првиот папа во чијашто чест е именуван астероид. Малата планета наречена Рацингер е именувана по германскиот папа, Бенедикт XVI (1927 – 2022). А астрономијата познава и астероид именуван по папата Грегориј XIII (1502 – 1585), кој го создал грегоријанскиот календар.
Ново на Сител
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
-

Просечната нето-плата во септември 49.141 денар
