Белата куќа на својот сајт објави видео-игри со политиките на Трамп: Во едната ловите мигранти, во друга градите ѕид

Белата куќа на својот официјален сајт претстави неколку компјутерски игри што промовираат политички идеи за кои се залага американскиот претседател Доналд Трамп. Меѓу нив е и игра во која целта е да се истераат што поголем број мигранти.

Во одделот Arcade, на сајтот, се наоѓаат игри со ретро дизајн, ниска резолуција и наликуваат на оние од 80-те години од минатиот век. „Изгради ѕид“ е копија на Тетрис што ја трансформира класичната игра во обид да се заштитат границите од „орди што надоаѓаат“, јавија американските медиуми.

Во „Рио Потера“, игра што потсетува на „Змија“, фигура слична на Трамп трча наоколу, фаќајќи нелегални имигранти и облекувајќи ги во портокалови затворски одела.

Во играта „Линија на снабдување“ храната се движи по производствената линија и потребно е да се отфрлат предметите што не ги исполнуваат стандардите.

Двете игри се одвиваат на небото над главниот град на САД, Вашингтон.

Во играта „Flappy Bill“, орел носи повелба и избегнува судир со столбови, а во играта „Trump Savings Tycoon“, целта на играчот е да собира пари што летаат низ воздухот за да ги „наполни сметките на своите деца“, додека планот за штедење на претседателската администрација нуди 1.000 долари за секое дете родено за време на мандатот на Трамп.

MИА