Бојана Скендеровски гостуваше на Прва ТВ и ја промовираше српската верзија на песната „Среќа и несреќа“

Бојана Скендеровски заедно со композиторот Саша Милошевиќ Маре денеска гостуваа во живо во емисијата „150 Минути“ на Прва ТВ во Белград.

Поводот за нивното гостување беше промоцијата на нејзината најнова песна „Среќа и несреќа“ која ја има изведено и на српски јазик на регионалниот пазар.

Песната наиде на одличен прием и задоволство кај српската публика и веќе се договорени уште неколку гостувања кај најеминентните српски медиуми, а веќе на големо се врти песната и на голем број радија и ТВ кај нашиот северен сосед.

Исто така договорена е понатамошна соработка на Бојана со Маре и веќе е најавена промоција на уште една песна од истиот автор за крајот на септември оваа година.