Брисел: Украина сама треба да одлучи кога ќе одржи избори, ЕУ е подготвена да помогне

Украина треба сама да одлучи кога ќе одржи избори, во согласност со своите закони, а Европската Унија е подготвена да помогне во организирањето на изборниот процес, изјави портпаролката на Европската комисија, Анита Хипер.

Таа на брифинг во Брисел посочи дека ЕУ е подготвена да му помогне на Киев, особено во обезбедувањето почитување на демократските стандарди и барања.

Хипер нагласи дека ЕУ не прави проценки за условите за одржување избори во одделни земји.

Нејзината изјава следува откако во вторникот поранешниот украински министер за одбрана, Михајло Федоров, повика да се најде законски и безбеден механизам за одржување избори и во услови на војна.

Агенциите наведуваат дека тоа е прв повик од почетокот на целосната руска инвазија во февруари 2022 година од позната украинска политичка фигура за одржување избори во услови на војна.

Украинскиот Устав не дозволува одржување избори додека е во сила воената состојба.