Бројот на загинатите во земјотресот во Колумбија достигна 254

Бројот на загинатите во силниот земјотрес што ја потресе Колумбија достигна најмалку 254 лица, додека спасувачките екипи продолжуваат да трагаат по преживеани под урнатините.

Земјотресот со магнитуда од 7,4 степени во понеделникот рано изутрината ја потресе западниот дел на Колумбија, а најпогоден е главниот регион за производство на кафе во земјата. Станува збор за најразорниот земјотрес во Колумбија од почетокот на векот.

Станбени згради, куќи, училишта и здравствени центри се оштетени, делумно или целосно урнати.

Според податоците од локалните власти, 101 лице загинало во Переира, а 95 во Кали, третиот по големина град во Колумбија.

Спасувачите се на терен, продолжуваат со расчистување на урнатините во потрага по преживеани, со механизација, а наместа и со голи раце.

МИА