Брзото јадење е штетно по човековото здравје
Ако дневните оброци, без обѕир дали е тоа појадок, ручек или вечера, ги консумирате за 20 минути или помалку, тогаш јадете премногу брзо, смета Лесли Хајнберг – докторка од „Клиниката на Кливленд“ во САД.
-Потребни се околу 20 минути за желудникот да искомуницира со мозокот преку цела низа хормонски сигнали дека е полн… Луѓето кои јадат брзо, веројатно, ќе проголтаат повеќе воздух, што може да доведе до надуеност и проблеми со варење. Неправилното џвакање на храната, исто така, е неповолно за варењето, што значи дека нема да ги добиете сите хранливи материи од храната. Неизџваканите парчиња храна може и да се заглават во хранопроводникот, набројува и предупредува д-р Хајнберг.
И претходни истражувања покажаа дека кај луѓето кои јадат брзо има најголема опасност од дебелеење, додека оние кои јадат најбавно – обратно, имаат најмал ризик за покачување на телесната маса.
Докторката препорачува и да не се гледа во телефонот или телевизорот при јадење.
-Кога, додека јадеме правиме и нешто друго, јадеме помалку внимателно. И, тоа често предизвикува да јадеме повеќе. Кога луѓето ќе се сосредоточат само на јадењето, тие повеќе уживаат во оброкот, а јадат помалку, појасни Хајнберг.
Таа, исто така, напомна дека темпото со коешто се јаде, најчесто е вкоренета навика, но истакна дека промената е можна. Нејзината препорака е: Користите ја Вашата недоминантна рака за да се нахраните, илинамерно паузирајте за да пиете вода, или пак, јадете со прибор што е потежок за користење, како стапчиња за јадење.
Ако водите брз и зафатен живот, можеби е неизбежно да треба да ручате на работен состанок или да јадете ужина додека извршувате обврски. Совет: Едно од наједноставните решенија за овој проблем е да го зголемите бројот на што помали залчиња во тој оброк.
Ново на Сител
-
Голема брзина над дозволената причина за несреќата во која загинаа Жота и Силва
-
Вардар и Алкалоид се двете македонски екипи во Лига Европа во ракомет
-
Владата прогласи кризна состојба од 30 дена поради пожарите
-
Можни прекини во водоснабдувањето во Општина Чаир и Железара поради прекин на електрична енергија
-
Кривична за екс-директор на основно училиште во Липково, го оштетил буџетот на државата за 577.550 денари
-
Пожар во парк-шумата Гази Баба | ВИДЕО
-
Кремљ по одлуката на Трамп да испрати оружје за Украина: САД и Европа ја избраа војната
-
Крадец од струмичко пукал кон полицијата, па бил ранет при приведувањето