Денес се празнува Преподобен Јоаким Осоговски

Денес православните верници го празнуваат Преподобен Јоаким Осоговски, еден од големите духовни симболи на македонската земја. Тој живеел како пустиножител во 11 век на Осоговските Планини, во пештерата Сарандопор, а по неговото упокоение неговиот гроб станал место на молитва и бројни чуда.

Манастирот „Свети Јоаким Осоговски“ денес е значаен духовен и историски споменик на Македонската Црква и сведоштво за вековната вера на народот.

Според народното предание, Јоаким Осоговски, Гаврил Лесновски, Јован Рилски и Прохор Пчински биле соподвижници и духовни браќа. Иако тоа не е историски потврдено, тие се сметаат за духовни браќа затоа што заедно му служеле на Бога и се прославени во Неговото Царство.