Директорот на Ферари: Хамилтон ќе биде конкурентен и тоа многу наскоро

Директорот на Формула 1 тимот на Ферари, Фред Васур, го поддржа Луис Хамилтон во неговата желба да се прилагоди што е можно побрзо во италијанскиот тим по несигурниот старт на првите тестови пред Големата награда на Австралија.
На првиот слободен тренинг на „Алберт Парк“, Хамилтон постигна само 12-то време, повеќе од половина секунда побавно од неговиот тимски колега Шарл Леклер, кој беше трет.
Седумкратниот светски шампион Хамилтон го постигна петтото најбрзо време во втората сесија, но сепак беше 0,42 секунди зад Леклер, кој овој пат заврши на првото место.
Васур, кој зборуваше помеѓу двата тренинзи, истакна дека никој од тимот не очекувал Британецот да биде на врвот на својата форма на стартот.
-Не е прашање на брзина. Целта за него е да запознае сè во тимот, да го научи софтверот, процесот, системот. Мислам дека имаме многу заедничко со Мерцедес, но немаме исти имиња или начин на користење. Тоа е процес на учење, сподели Васур пред новинарите.
Директорот потсети дека поранешниот возач на Ферари, Карлос Саинц, победил на претходното издание на трката во Австралија, два дена откако на првиот тренинг го освои само осмото место.
-Не може да се извлечат заклучоци од првиот слободен тренинг. Не се сомневам дека Хамилтон ќе биде конкурентен, и тоа многу брзо, убеден е тој.
Ново на Сител
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
-

Просечната нето-плата во септември 49.141 денар
