ДКСК ги потсети партиите и институциите во следниот период забранети се нови вработувања, исплати, камен темелници

ДКСК будно ќе го следи презиборниот процес, кампањата и за евентуални прекршоци ќе отпочне постапки. Новиот состав антикорупционери апелираат и до јавноста да пријави незаконски дејствија. Ги потсетуваат партиите и институциите дека во овој период забранети се нови вработувања, не смеат да вршат исплати, да делат награди, да отпочнуваат камен темелници со државни пари. ДКСК наследиле вкупно 581 предмет од кои 34 се примени од 8 февруари. Од новите,  26 се за утврдување на корупција.

На конститутивната седница, членот Зоран Богоевски беше избран за заменик претседател на ДКСК. На секои 6 месеци на оваа позиција ќе ротираат членовите по азбучен ред. Во новиот состав на ДКСК до 2029 ќе членуваат претседателката Татјана Димитровска и 6 члена Цвета Ристовска, Софија Спасова-Медарска, Бесник Џемаиљи, Билјана Каракашова-Шулев, Сервет Демири и Зоран Богоевски.