Доминација на Норвешка на машкиот биатлон на последниот ден од СП

Со машкиот биатлон на 15 километри масовен старт попладнево беше затворено Светското првенство 2025 во Ленцерхајде, Швајцарија.

Победничкиот подиум по последната мундијалска трка го запоседнаа норвешките натпреварувачи.

Победи Ендре Стромсхајм со време 38,22.6 минути и едно промашување.

Второто место и сребрениот медал се за Стурла Холм Лагреид кој заостана 12,4 секунди зад победникот и две промашувања.

Јоханес Бе +12,7 секунди (4) трката ја заврши како третопласиран.

Од четврток, во Трондхајм (Норвешка) почнува Светското првенство во нордиски дисциплини.