Дончиќ повторно се повреди

Најдобриот кошаркар на Далас маверикс, Лука Дончиќ, поради повреда го пропушти вториот дел од натпреварот од регуларната сезона во НБА лигата против Минесота.

Дваесет и петгодишниот Словенец три минути пред крајот на првото полувреме го напушти теренот со накривнување. Клубот на социјалните мрежи објави дека кошаркарот имал истегнување на мускулот на левата потколеница.

На овој натпревар Дончиќ за 16 минути на паркетот постигна 14 поени, забележа пет скока и две асистенции.

Словенечкиот кошаркар ги пропушти претходните два натпревара поради повреди на петицата.

Далас со биланс 19 победи и 11 порази во моментов се наоѓа на 4. место во Западната конференција на најсилната кошаркарска лига на светот.