Доживотен затвор за 21-годишниот руски војник кој застрела украински цивил
Дваесет и едногодишниот руски војник Вадим Шишмарин денеска е осуден на доживотен затвор затоа што усмртил цивил, на првото судење за воени злосторства во Украина, јави ДПА.
Судот во Киев денеска сметаше дека Обвинтелството ја докажа неговата вина, по признанието на војникот дека застрелал 62-годишен цивил среде руската инвазија на Украина.
Ова беше првиот случај што се водеше на суд по хоророт што светот го виде од руските злосторства во Украина, пренесе ДПА.
Престрелката се случила во селото Чупахивка, во североисточниот регион Суми. Војникот, кој е од Сибир, рече дека дејствувал по наредба на неговите претпоставени. Тој се извини и побара прошка од вдовицата на цивилот за време на судењето.
Обвинителството побарало доживотен затвор. Одбраната се залагаше за ослободителна пресуда, велејќи дека војникот извршувал наредба.
Казната ќе стане правосилна дури по евентуална жалба.
Можно е војникот да биде разменет за украински затвореници во Русија, наведува германската агенција.
Ново на Сител
-
Утре посвежо со локален дожд и грмежи, од вторник претежно стабилно и потопло
-
Приведен скопјанец, возел со 3,30 промили алкохол во крвта и предизвикал сообраќајка
-
Жена и ставила перница на глава на бабата на својот сопруг и пробала да ја задуши
-
Зеленски: Рускoто одбивање за преговори за прекин на огнот ја комплицира ситуацијата
-
На „Табановце“ се чека околу 40 минути, на „Богородица“ половина час
-
Русија ликува по Самитот на Трамп, а Путин наводно ги бара Доњецк и Луганск
-
Поради пожарот во „Јасен“, се уште затворен регионалниот пат Македонски Брод - Скопје
-
Почесна артилериска стрелба по повод Денот на Армијата