Државни пари за специјлаизации на младите лекари, ќе се покрива од 20 до 80 проценти од износот

Државата ќе кофинансира уште 100 специјализации на невработени и лекари кои не работат во јавни здравствени установи. Ќе бидат опфатени специјланости, а најмногу анестезиолози, педијатри и гинеколози. Огласот ќе тарае до 22 април.Услов е докторите да имаат положено дравен испит и да имаат дозвола за работа.

- Министерството за здравство ќе кофинансира 20 до 80 проценти од нивната специјализација и потоа ќе имаат загарантиран месечен надомест. Особено ќе внимаваме на првата дипломирана генерација на студенти од Штипскиот универзитет, имајќи предвид дека овие веќе завршени доктори се од внатрешноста на Македонија од повеќе различни градови каде што имаме недостаток на специјалисти, се со цел да се надмине проблемот со недостаток на специјалисти во повеќе градови во земјата, рече Никола Тодоров, министер за здравство.

Министерството за здравство и директно ќе ги контактира 70-те дипломирани лекари од првата генерација на штипскиот универзитет за да им понуди да се пријават на огласот.

- Со оваа мерка овозможуваме да се постигне балансирана дистрибуција на специјалисти на територијата на целата држава, што сериозно ќе влијае на обезбедување на специјалистичка здравствена заштита и решавање на проблемот со недостаток на специјалисти, изјави Тодоров.  

Пред 1 недела на претходниот огласот за кофинансирање на  приватни специјализации беа избрани 90 лекари за различни специјалности. Според Тодоров во изминатиот период во болниците и клиниките се вработени околу 4.000 здравствени работници.