Две девојки скокнале од такси во движење во тетовско, возачот не ги однел на бараната локација

Инцидент во такси возило во Тетовско пријавил 20-годишен жител, кој навел дека неговата девојка и нејзината 16-годишна другарка биле изложени на непримерно однесување од страна на возачот, по што успеале да излезат од возилото во движење и да побараат помош.

Според пријавеното, на 4 август околу 16:30 часот, во Полициското одделение Теарце, Д.Ќ. пријавил дека неговата девојка Е.И. (20) и нејзината 16-годишна другарка, двете од село Пршовце, Тетовско, се превезувале со такси возило.

За време на превозот, според нивните наводи, возачот започнал да се однесува непримерно, а потоа не го запрел возилото и не ги однел на локацијата која ја побарале.

Двете девојки, според пријавата, успеале да скокнат од возилото додека тоа било во движење, по што побарале помош.

За настанот бил известен јавен обвинител, како и Центарот за социјални работи – Тетово.

Од полицијата информираат дека се преземаат мерки за расчистување и целосно документирање на случајот.