Џафери имал судир на интереси, Антикорупциска го казнила со 300 евра

Талат Џафери континуирано го кршел го законот за судир на интереси. Државната комисија за спречување корупција, двапати го казнувала со глоби од по 150 евра, ама тој не се откажувал од партиската функција. Според антикорупционерите, Џафери како собраниски спикер, не смеел да биде и член на претседателството на генералниот совет во ДУИ. Неколкупати ја алармирале партијата дека се прекршува законост за судир на интереси, но единствениот одговор од ДУИ бил дека Џафери се иззема од работата на партиското тело.

Во одбрана на Џафери застана членот на антикорупциска Салаи. Тврди дека комисијата немала надлежност да оценува судир на интереси кај собранискиот спикер. Изјавата беше смешна за останатите членови на антикорупциска, па открија дека по негово барање, антикорупционерите го криеле предметот од јавноста.

Од антикорупциска велат дека со назначувањето на Џафери за технички премиер, тој повеќе не е во судир со законот.. Ако останел на спикерската позиција во парламентот, ќе се барало негово разрешување.