Елиминиран освојувачот на Купот Вардар - полуфинале за второлигашите Охрид и Шкендија Арачиново

Ланскиот освојувач на фудбалскиот куп екипата на Вардар е елиминирана во четвртфиналето на ова натпреварување откако по изведување на пенали како домаќини загубија со второлигашот Охрид во регуларниот дел резултатот беше 1:1, а на пенали 3:2 за Охрид. Ова воедно беше дуели на лидерите во Првата лига (Вардар) и Втората лига (Охрид).

Вардар поведе во 60.минута со голот на Бобан Николов по асистенција на Азер Омерагиќ, додека гостите изедначија во судиското на дополнување преку 19-годишниот Давид Матески во 90+1 минута. Од големата радост тој го соблече дресот што беше втор жолт картон за него и воедно црвен.

Во изведувањето на пеналите за победничкиот тим прецизни беа: Јахја, Бакрачески, Каланоски и Илиески, додека ударот на Спиркоски голманот на Вардар Талески го одбрани. Кај Вардар сигурни од белата точка беа: Цветковиќ и Босанчиќ, додека Дамјан Серафимов ги одбрани ударите на Николов и Данев.

На вториот денешен натпревар од четвртфиналето во Куманово второлигашот Шкендија Арачиново го елиминираше Работнички со победа од 3:1.

Утре во Кратово од 14 часот ќе играат: Детонит Плачковица и Силекс, додека поради настапот на Шкендија Тетово во УЕФА Конференциската лига натпреварот Струга – Шкендија ќе се игра на 18.март.

МИА