Loading Video...
Спорт плус
4. September 2021 - 19:52

ЕП Одбојка: Следен противник Турција

Тешки противници за нашите најдобри одбојкари на ЕП во Финска. Во групата во Тампере загубивме убедливо со 3-0 од големиот фаворит Холандија што е втор пораз за Македонија на првенството. 

Самата средба само го потврди фактот дека лалињата се многу поквалитетна репрезентација и иако настапија со комбиниран состав сепак ги добија сите три сета со 25-20, 25-18 и 25-22 и дојдоа до чиста победа. 

И покрај поразот  Македонија  играше на своето ниво доста рамноправно во сите три сета но во последните минути од секој сет не успеавме да го издржиме притисокот на противникот и да дојдеме барем до еден сет. 

Она што радува на оваа средба е што младиот Филип Савовски се промовира како освежување во нашиот тим на кој сигурно за подобри резултати му се потребни уште неколку млади одбојкари за да бидеме пред се редовни учесници на големите натпреварувања. 

Никола Ѓорѓиев и Љафтов беа најдобри поентери во нашиот тим со 13 односно 11 поени додека кај Холандија се истакна Тер Мат со 22. 

Во недела од 13 часот Македонија го игра и третиот натпревар со селекцијата на Турција која има максимални две победи . 

Денеска во нашата група Русија ја совлада Холандија со 3-2 додека Финска убедливо со 3-0 славеше против Шпанија.