ЕУ наесен подготвува најсеопфатен пакет санкции против Русија досега

„Санкциите на ЕУ досега ја чинеле руската воена машинерија повеќе од трилион евра, а наесен предлагам најсеопфатен список на санкции од почетокот на војната“, изјави Калас за германскиот весник „Велт“.

Таа додаде дека, доколку бидат усвоени, новите мерки веднаш ќе го зголемат вкупниот број санкционирани руски субјекти за една третина.

„Притисокот мора да продолжи да расте се додека Москва не ја заврши војната“, рече Калас.

Калас не откри детали за временската рамка или содржината на новиот пакет санкции.

ЕУ во јули го одобри својот најнов пакет санкции против Русија поради војната во Украина, со мерки насочени, меѓу другото, кон рускиот банкарски сектор и мрежите поврзани со криптовалути.

МИА