Евроамбасадорот Рокас очекува заедничка иднина со ЕУ и инвестиции во одбраната

Стратешкото поврзување меѓу земјите од регионот и Европската Унија може да ги забрза интеграциите но и да донесе бенефит за секоја земја кандидат.

ЕУ е силно посветена на тоа Македонија што е можно поскоро да стане земја членка, затоа е најдобро е да има заедничка иднина под под заеднички кров со Унијата, порача евроамбасадорот Рокас на „Стратешка сигурност и стабилност“.

Покрај досегашните финансии за проекти кои ги добива Македонија, најави дополнителни 40 милиони за зајакнување на воените капацитети на Македонија.

За македонската владата стратешки приоритет останува развојот на коридорите 8 и 10 кои ќе донесат економски развој и политичка стабилност на државата.

Вицепремиерот Николоски порача дека инвестициите во патната и железничката инфраструктура значително ќе овозможи развој и стабилност на Македонија.

Не само инфраструктурата, енергетиката, потребно е зајакнување и на сајбер мрежата за безбедноста сметаат од Институтот за демократија.

Но приоритет останува политичката интеграција и откочувањето на преговорите.

До 2027 земјава има на располагање 750 милиони евра од планот за раст, кои зависат од спроведувањето на реформите.