ФФМ го поништи натпреварот Кожув – Башкими, дисциплинска постапка против двата клубови
Фудбалската федерација на Македонија (ФФМ) го поништи денеска натпреварот од 28 коло во Втората Македонска фудбалска лига меѓу Кожуф и Башкими од 6 мај.
Како што е соопштено, бодовите од натпреварот не се доделуваат на ниту една екипа, постигнатите голови не се евидентираат и не влегуваат во евиденција на дадени голови на фудбалерите.
„Комисијата, имајќи го предвид Правилникот за натпреварување, но и етичкиот аспект на случајот, со цел заштита на интегритетот на натпреварувањето и зачувување на угледот на фудбалот како спорт, ја донесе оваа одлука со која се настојува да се избегне какво било легитимирање на неспортски и неетички дејствија, кои се спротивни на вредностите на ФФМ“, се наведува во соопштението.
Дополнително, Дисциплинската комисија на ФФМ поведе дисциплински постапки за недозволено влијание на исход и тек на натпревар против спортскиот директор и шефот на стручниот штаб на Кожуф, Пепи Ѓоргиев и Славчо Ѓеоргиевски, а поведена е дисциплинска постапка и за двата клубови.
„Случајот не е затворен и Одделот за безбедност и интегритет продолжува со активна проверка на сите релевантни аспекти поврзани со натпреварот, поради основано сомнение за нарушување на интегритетот на натпреварот“, наведе ФФМ.
Ново на Сител
-
Тошковски: Расветлени се мотивите за дел од случаите со пожарите кои настанаа изминатиот период
-
Уапсено лице кое предизвикува пожар во скопско Огњанци
-
Објавена снимка од надзорна камера, Арсовска прва нападнала, а полицијата веднаш реагирала | ВИДЕО
-
Освоивме прва награда на ICAMES во конкуренција на 15 држави | Елена и Марко од ФЕИТ | Sitel Podcast 103
-
Алкараз ќе ја брани титулата на Вимблдон, откако избори трето финале
-
Новата ракометна сезона ќе ја отворат Еурофарм Пелистер и Вардар во Супер купот
-
Утре потопло со пораст на дневните температури
-
Општина Чаир го осудува нападот врз Арсовска, нагласува дека никој од институцијата не е поврзан со настанот