Гесан прв фудбалер во историјата што освои две европски натпреварувања во една сезона

Крилниот напаѓач на Кристал Палас, Еван Гесан, стана првиот фудбалер во историјата што освои две европски натпреварувања во една сезона.

Англискиот тим синоќа го победи Рајо Ваљекано (Шпанија) со 1:0 во финалето на Конференциската лига. Дваесет и четиригодишниот играч од Брегот на Слоновата Коска одигра 10 минути од натпреварот.

Гесан се приклучи на лондонскиот клуб како позајмен играч од Астон вила во јануари. Тој одигра седум натпревари од Лигата на Европа за клубот од Бирмингем оваа сезона, постигнувајќи два гола. Минатата среда, 20 мај, Астон вила го победи Фрајбург со 3:0 во финалето на Лигата на Европа.

Ова значи дека Гесан обезбеди медал од Лигата на Европа 2025/26 и Конференциската лига 2025/26.

Кристал Палас играше во своето прво финале на европско клупско натпреварување. Со оваа победа, англискиот тим обезбеди место во Лигата на Европа за сезоната 2026/27.

МИА