Ѓоковиќ загуби од 19-годишниот Меншик во финалето на турнирот во Мајами
19-годишниот чешки тенисер направи вистинска сензација, дојде до својот најголем успех, а во борбата за трофејот го совлада најдобриот на сите времиња, Новак Ѓоковиќ.
Српскиот тенисер релативно лесно стигна до финалето во Мајами, но во последниот меч на турнирот не можеше да возврати на фантастичниот сервис кој е главната одлука на Меншик.
Во првиот сет двајцата тенисери загубија по еден свој сервис, мечот отиде во тајбрејк каде издоминира Меншик. Чехот почна со 5-0, Ѓоковиќ се врати, но само за да го ублажи загубениот тајбрек, беше 7-4 за младиот тенисер.
Во вториот сет двајцата тенисери ги добија своите сервиси, па повторно се играше тајбрек кој по поголема борба Меншик повторно го доби со 7-4 и ја комплетираше победата од 2-0.
По мечот Меншик потврди дека Ѓоковиќ е неговиот идол и ова е негова најголема победа во кариерата.
Ново на Сител
-
Шефицата на Европската дипломатија Каја Калас во петок во Скопје
-
Македонија домаќин на 2200 војници од НАТО вежбата „Брз одговор 2025“
-
Форум: Мали држави - Големо влијание
-
Арсовска „фати“ дивоградба во Чаир
-
ВМРО-ДПМНЕ: Филипче да не крие информации за златната виза
-
Преглед на вестите од светот
-
Лицата на приматели на семејна пензија можат да работат
-
Тема на денот со Илија Димовски