Ѓорѓиевски: Потпишана декларација за обединување за подобро Шуто Оризари

Кандидатот за градоначалник на Град Скопје, Орце Ѓорѓиевски, денеска изјави дека со потпишувањето на Декларацијата за заедничко делување е направен „историски чекор напред“ во насока на обединување за подобро Шуто Оризари и достоинствено Скопје. Во објава на својот Фејсбук профил, Ѓорѓиевски наведува дека сите партии обединети со ВМРО-ДПМНЕ застануваат зад Ерџан Демир, кандидатот кој, според него, ќе ја предводи промената што Шуто Оризари ја заслужува.
– На Шуто Оризари му е доста од хаос, запоставеност и неправда. Доста е граѓаните од оваа општина да бидат третирани како граѓани од втор ред. Време е тоа да се промени. Време е за нова енергија, за достоинство, за развој, време е заедно да создадеме подобра иднина, наведува Ѓорѓиевски.
Со поддршка од Град Скопје, Ѓорѓиевски најави дека со поддршка од Град Скопје, Ерџан Демир ќе ја води општината кон „вистински промени“, меѓу кои изградба на нов модерен стадион, Културен дом „Есма Реџепова“, реконструкција на улиците, обновување на комуналната мрежа, создавање зелени површини и уредени јавни простори, како и инвестирање во младите.
Во објавата тој наведува дека Декларацијата за заедничко делување ја потпишале повеќе партии, односно РОМ – Роми обединети од Македонија, Обединета партија за еманципација на Ромите, Демократска партија на Ромите, Сојуз на Ромите, Демократски сили на Ромите и Централна демократска унија.
МИА
Ново на Сител
-

Николоски од Виена: ЕУ да изнајде решенија за проблемот со превозниците и со извозот на зелената енергија од регионот
-

Со сведочење на ќерката на првообвинетиот Дејан Јованов продолжува судењето за пожарот во „Пулс“
-

Триесет и пет години од првиот Устав на независна Македонија
-

Сончево и топло до 20 степени
-

Пораз на македонската репрезентација од Словенија со 0:3
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
