Годинава двојно повеќе заболени од грип

Грипот добива на интензитет. За една недела регистрирани се околу 9.500 случаи. Според податоците од ИЈЗ ова е двојно повеќе од истиот период лани. Најмногу новозаболени има во Скопје, Струмица, Велес и Кавадарци. Најпогодени  се децата. Преполни со хоспитализирани пациенти се и Клиниката за детски болести и Институтот за белодробни заболувања во Козле. Лекарите велат дека вирусите оваа сезона предизвикуваат тешки компликации, најчесто бронхопневмонии..

Лекарите велат дека најавените ниски температури и снегот ќе го намалат ширењето на грипот.

Грипот коси во целиот регион. Во Хрватска е прогласена епидемија и има починати од компликации, а Србија го продолжи распустот на учениците поради зголемениот број болни.