Грениер победи на женскиот велеслалом во Крањска Гора

Втора година по ред Канаѓанката Валери Грениер е победничка на велеслаломската трка за Светскиот куп во алпско скијање на патеката во Крањска Гора.

На 60. издание на „Златната лисица“, второто место во женскиот велеслалом го освои Швајцарката Лара Гут – Бехрами, заостанувајќи зад победничката 37 стотинки, додека на третото место се пласираше Италијанката Федерика Брињоне со заостанување од 51 стотинка.

Водечката во генералниот пласман Американката Микаела Шифрин ја заврши денешната трка на деветтото место.

Шифрин ја задржа предноста во генералниот пласман со 929 бодови, додека во поредокот во велеслалом води Брињоне со 460 бодови.

Утре на програмата во Крањска Гора е женскиот слалом.