Играчите на АЕК се повлекоа, натпреварот со Алкалоид одложен

Иако требаше да започни во 20:30, вториот финален натпревар во ЕХФ Европскиот Куп меѓу РК Алкалоид и АЕК во арената “Борис Трајковски“ беше откажан пред самиот почеток.

40-тина минути играчите на РК Алкалоид чекаа на теренот, додека играчите на АЕК не сакаа да излезат без присуство на нивните навивачи на трибините. Неофицијално, тие допатуваа со повеќе навивачи од дозволеното – 200.

Официјалниот спикер соопшти дека стартот на натпреварот е одложен, а за судбината на ова финале ќе се одлучува дополнително.