Имала тешко детство, која е Шејла Зониќ?

Шејла Зониќ триумфираше вечерва во финалето на „Ѕвездите на Гранд“. Таа успеа во завршницата да добие повеќе гласови од Мики Секуловски и Андријана Петрушовска, македонските кандидати кои заедно со неа се пласираа меѓу најдобрите тројца натпреварувачи.
Оваа талентирана 30-годишна вокалистка е родена во Германија. Неколку пати го менувала местото на живеење, а денес е стационирана во Тузла каде живее со сопругот Армин.
Дипломирала на Факултетот за музичка уметност во Сараево. Со години настапувала со музичката група „Диванхана“, по што решила да ја продолжи кариерата соло.
Нејзиниот животен пат воопшто не бил лесен, особено во тинејџерските денови кога нејзиниот татко бил принуден да ја затвори компанијата поради здравствени проблеми.
„Кога бев во средно училиште, на татко ми му се слоши, имаше срцев удар. Мораше да ја затвори фирмата, на моите родители им беше тешко финансиски, мораа да ми плаќаат интернат, џепарлак, патувања. Имаше коментари од страна, зошто не ме испишат од училиште ако не можат да ме школуваат, но тие се бореа како и секој родител, особено затоа што видоа дека имам резултати“, раскажа таа во една прилика.
Во тој период многу ѝ помогнале сестрите. Едната ѝ ја платила киријата за три месеци, а другата за финиширање на магистратурата.
„Се нервирав затоа што никогаш не сакав да побарам помош, се срамев, тоа беше пораз за мене. Се чувствував ужасно осамено, имав панични напади, анксиозност, се прашував што сум направила досега. Се чудев што правам, јадев ориз и кечап во овој град, едноставно немаше што да јадам. Немав храброст да барам ништо од моите родители бидејќи татко ми беше болен, тие живееја само од неговата пензија“, откри таа неодамна.
Желбата за успех и потребата да му помогне на семејството ја натерале да направи нешто значајно, па се пријавила во „Ѕвездите на Гранд“ да си ја проба среќата. Тоа го направила на убедување на нејзиниот сопруг Армин, кој ѝ е најголем поддржувач.
Малкумина знаат дека нејзиниот вујко е познатиот пејач Кемал Маловчиќ, од кого го наследила талентот за пеење.
„Пред да се омажам се презивав Гргиќ. Во текот на студирањето станав член на севдах составот „Диванхана“, пеев со нив на три континенти и го снимив албумот „Заврзлама“, кој доби светски признанија и награди. Откако магистрирав на Музичката академија, почнав да држам предавања по пеење, пијано и солфеж во приватни и државни училишта“, се присети Зониќ во едно интервју.
Шејла е една од ретките натпреварувачи кои во текот на минатите девет месеци ниту еднаш не се најде во бараж. Нејзин ментор беше Светлана Цеца Ражњатовиќ.
Ново на Сител
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
-

Медведев против Зверев во полуфиналето на завршниот АТП турнир
-

Кривична за две лица осомничени за кражба – Полицијата пронашла украден мебел, радијатори и бела техника
