Инфлација од 4.5 проценти во октомври

Инфлацијата мерена преку индексот на трошоците на животот во октомври во однос на истиот месец лани бележи раст од 4,5 %, а цените на мало пораснале за 2,8 %, објави Државниот завод за статистика.

Пресметките покажуваат дека најмногу поскапела храната, и тоа за 7,5%. Алкохолот и цигарите поскапеле за 6,7% а мебелот и покуќнината за една година се поскапи за 4,7%.

Податоците за месечната инфлација покажуваат дека инфлацијата е намалена за 0,2% во однос на инфлацијата во септември, а цените на мало се зголемиле за 1,3%.

Од опозицијата велат дека овој пораст е јасен показател дека економските политики на владата на ВМРО-ДПМНЕ се целосно промашени и без никаков резултат.

“Инфлацијата го јаде стандардот на граѓаните, ги јаде платите кои не се покачуваат туку стагнираат, цените на храната и основните производи растат, сметките се повисоки, граѓаните имаат се помалку пари во џебовите.“ – се вели во соопштението на опозицијата