Иран нема да преговара за прекин на огнот со Израел додека траат израелските напади

Иран им соопштил на посредници од Оман и Катар дека Техеран нема да преговара за прекин на огнот со Израел додека траат израелските напади, изјавија извори директно запознаени со разговорите.

-Иранците ги информираа катарските и оманските медијатори дека ќе ги продолжат разговорите дури откако Иран ќе го заврши својот одговор на израелските превентивни напади, рече изворот.

Изворот, исто така, ги негираше извештаите дека Иран им се обратил на Оман и Катар за да посредува во разговорите со САД за прекин на огнот со Израел или дури и за продолжување на нуклеарните разговори со Вашингтон.

Оман посредува во нуклеарните разговори меѓу САД и Иран во последните месеци, иако последната рунда беше откажана еден ден откако Израел започна голема воздушна офанзива против Иран.