Ислам Абази доби најмногу гласови на изборите за нов шеф на обвинителството за гонење организиран криминал и корупција

Со 66 гласови е избран Ислам Абази за нов шеф на обвинителството за организиран криминал и корупција. Малку познат на јавноста, потекнува од Зајас родното место на лидерот на ДУИ,но за него нема ниту фотографија, ниту пак  пред изборот изнесе јавно свои планови и програма за тоа како ќе раководи со ова обвинителство. Претседателот на совет на јавни обвинители очекува од новиот шеф да раководи професионално, да ги завршува предметите и да оствари поголема соработка со институциите.

Вториот кандидат Ермон Незири освои 64, досегашната суспендирана шефица на обвинителството доби 14гласа од кои 10 од обвинителите од Скопје,а обвинителката Деса Пауновска освои најмалку односно 10 гласови. Веќе утре советот ќе одлучува по евентуалните приговори а доколку се биде во ред, советото ќе го именува новиот шеф на обвинителството за 7 дена.

Ова беа први директни избори по измените на законот, на кои право на глас остварија вкупно 163 јавни обвинители од 5 изборни единици, 4 виши јавни обвинителства и државното јавно обвинителство. Само 7 ливчиња биле неважечки.