Италија подготвува забрана за социјални мрежи за деца под 13 години – до 16 години само со родителска контрола
Италија подготвува нови законски ограничувања за користење на социјалните мрежи од страна на малолетници, со кои се предвидува целосна забрана за деца помлади од 13 години, како и дополнителни ограничувања за тинејџерите до 16-годишна возраст.
Според предлогот што се разгледува во италијанскиот парламент, децата под 13 години воопшто нема да смеат да користат социјални мрежи, додека оние на возраст од 13 до 15 години ќе можат да пристапуваат до платформите само преку профили поврзани со родителска сметка.
Тинејџерите кои наполниле 16 години ќе можат самостојно да отвораат и користат профили на социјалните мрежи.
Како што пренесува „Ројтерс“, целта на предложените мерки е поголема заштита на децата од штетните влијанија на интернет, вклучувајќи ја зависноста од социјалните мрежи, изложеноста на несоодветни содржини и ризиците за менталното здравје.
Предлогот предвидува исклучоци за одредени образовни апликации, со цел новите правила да не го ограничат пристапот на децата до дигитални алатки што се користат за учење.
Италијанските власти настојуваат новите правила да бидат усвоени до крајот на 2026 година, но законските измени сè уште не се изгласани.
Со оваа иницијатива Италија се приклучува на растечкиот број држави што разгледуваат построги ограничувања за пристапот на малолетниците до социјалните мрежи, во услови на зголемена загриженост за нивната безбедност и психолошки развој.
Ново на Сител
-

ФА размислуваше да ја оспори кандидатурата за реизбор на Инфантино
-

МФ: Над 240 милиони евра поддршка за домашните компании по поволни услови
-

УНФПА предупредува: Светот ризикува да ја разочара следната генерација
-

Тошковски во Дубаи ја прими наградата „Excellence in Road Safety“ за „Безбеден град“
-

Јанев за грчката државна телевизија ЕРТ: Изградивме силни и тесни врски со грчката полиција
-

Потешко до работа во Германија: Од 50.000 на 25.000 Германија ја намалува квотата за работници од Македонија и регионот
-

Во Сенџен почна историската средба Шји – Трамп – Путин
-

Италија подготвува забрана за социјални мрежи за деца под 13 години – до 16 години само со родителска контрола
