Јасикевичиус ја напушти Барселона

Литванскиот кошаркарски стратег Шарунас Јасикевичиус ја напушти клупата на Барселона, објави шпанскиот клуб.

Јасикевичиус ја предводеше Барселона во последните три сезони, а неговото место ќе го наследи Рожер Гримау, кој потпиша договор со каталонскиот клуб до 2025 година.

Јасикевичиус дојде во Барселона од Жалгирис каде ја почна својата тренерска кариера.

Со Барселона освои две шампионски титули во Шпанија и два трофеи во Купот на кралот. Три години по ред беше учесник со Барселона во фајнлфорот во Евролигата, но не успеа да ја освои титулата во елитното европско клупско натпреварување.