Кајли Миног за борбата со ракот: Траумата сè уште ме прогонува

Кајли Миног проговори за долгорочните ефекти од нејзината борба со ракот на дојка, велејќи дека искуството низ коешто минала во 2005 година и денес сè уште влијае на нејзиниот живот.
Дијагнозата ја добила на 36 години, што довело и до откажување на многу концерти. Подоцна се откри дека болеста првично била погрешно дијагностицирана. Инаку, австралиската пејачка со години зборува за нејзиното закрепнување и емоционалните последици. Во ново интервју за „Би-би-си њуз (BBC News), Миног повторно истакна колку бил тежок периодот и колку бавно се обработуваат таквите искуства.
– Од каде воопшто да почнам? Шок!, рече таа, потсетувајќи се на моментот кога дознала за нејзината дијагноза, додавајќи дека во тоа време се обидувала да разбере нешто за кое никогаш порано не размислувала. – Тоа е „забрзан курс“ за нешто многу длабоко и долготрајно. Тоа чувство сè уште ме прогонува, призна таа.
Миног го искористи интервјуто и за да ја најави документарната серија „Кајли (Kylie)“ на Нетфликс, каде што првпат подробно зборува за личниот и професионалниот живот. Како што вели, долго време одбивала слични проекти.
– Па, ако не сега, кога?, рече таа, објаснувајќи ја својата одлука – сега да се согласи на снимањето.
Заедно со серијата, таа најави и нов сингл со наслов „Light Up“. Поп-пејачката, всушност, и во претходни интервјуа навести дека размислува за нова музика.
МИА
Ново на Сител
-

Македонските фудбалерки против Андора стартуваат во Лигата на нации
-

Руската вакцина против рак со охрабрувачки резултати кај првиот пациент, следуваат уште 120 пациенти до 2027 година
-

Вработен во ДЗС осомничен за примање поткуп од 32.000 денари, Обвинителството бара притвор
-

Вучиќ: Не можат да ме победат со аргументи, ќе се обидат да ме убијат, уапсат или лустрираат
-

Ужас на ГАК: На бебе старо два дена со ножици му отсекле дел од прст при отстранување инфузија
-

Струмичанец пријавен за измама: Зел 1.200 евра за миксета од Германија, но не ја испорачал
-

Приведени 6 возачи во текот на изминатото деноноќие, 3 од нив имале активна забрана за управување моторно возило
-

Приведен скопјанец кој поседувал марихуана, при обид на бегство со возило удрил полициски службеник
