Капитенот Кузмановски донесе реми во последните секунди на натпреварот Македонија-Австрија

Првиот натпревар од втората фаза на Светското ракометно првенство Македонија го заврши со изедначен резултат.

Избраниците на Лазаров одиграа динамичен и возбудлив натпревар против Австриската репрезентација, во значително различна атмосфера од претходните натпревари - помал број на поддржувачи на трибините во Арената Вараждин.

Иако на полувремето и во последните моменти пред крајот на натпреварот бевме во негатива за еден гол, капитенот Кузмановски кој две минути пред крајот не реализираше пенал, успеа да донесе реми со звукот на сирената.

Следен противник на Македонската репрезентација е Катар, а мечот ќе се одигра за два дена.