Конституиран новиот Управен одбор на КФСМ, Ѓуроски нов потпретседател
Управниот Одбор на македонската кошаркарска федерација, предложен од страна на претседателот Томе Главчев на изборното Собрание на КФСМ, ја одржа првата седница, која беше и со конститутивен карактер.
Согласно со предвидениот дневен ред, членовите на Управниот одбор донесоа голем број на одлуки со кои се дефинира понатамошното работење на федерацијата.
Прифатен беше предлогот како членови на Управниот Одбор на КФСМ да бидат именувани Александер Павлов, Никола Митревски, Норик Селими, Савица Неделковска, Драган Иванов и Тане Димовски, додека како членови по автоматизам беа прифатени: Боро Смилковски, претставник од Прва лига-мажи, Јордан Цветановски, претставник од Прва лига-жени, Благоја Кечовски, претставник од Втора лига-мажи, Владимир Свртинов, претставник од Трета лига-мажи, Владимир Огњановски, претставник од младински лиги, и Александар Јончевски, како претставник од Здружението на кошаркарски тренери на Македонија.
На предлог на претседателот Главчев, одборниците го изгласаа и именувањето на Младен Ѓуроски за нов потпретседател на КФСМ.
Во наредниот период, односно мандат на новото раководство, „прв оперативец“, односно генерален секретар ќе биде Томче Стојчевски.
Ново на Сител
-
Мицкоски на работна средба со претседателот и главен извршен директор на Стопанска комора на Дубаи
-
ЦУК: Активни пожарите на планините Кожуф и Добра Вода
-
Сиљановска-Давкова ја почна посетата во САД со обраќање за 30 години од Четвртата светска конференција за жените
-
Одржана комеморација за Кирк: Трамп го нарече маченик за слободата
-
Земјотрес почувствуван во Македонија
-
Франција, Белгија и Нов Зеланд се подготвуваат денеска да ја признаат Палестина
-
Нетанјаху: Палестинска држава нема да има западно од Јордан
-
Марко Ѓуриќ: Изјавата на босанскиот министер за одбрана не придонесува за стабилност во регионот