Кошта: ЕУ ќе покрие две третини од дополнителните 70 милијарди евра за Украина

Претседателот на Европскиот совет, Антонио Кошта изјави дека Европската Унија ќе издвои две третини од дополнителните 70 милијарди евра што ги побара Украина за да остане во борбата против Русија идната година.

Во интервју за „Рапортер“ (пораНешен Еурактив), тој рече дека ЕУ обично покрива две третини од финансиските потреби на Украина и дека на последната седница на Европскиот совет е договорено да се обезбедат дополнителни потреби за Украина.

„Вообичаено, ние покриваме две третини од финансиските потреби на Украина… Две третини од 70 милијарди евра изнесуваат 46,7 милијарди евра. На последниот состанок на Европскиот совет се договоривме да ги покриеме дополнителните потреби на Украина и ѝ дадовме задача на Комисијата да изнесе конкретни решенија за тоа. Комисијата работи на тоа и претпоставувам дека во ноември ќе можеме да донесеме одлука за ова прашање, додаде Кошта. 

МИА