Кремљ: Средба меѓу Путин и Зеленски треба да биде добро подготвена
Кремљ денеска повтори дека секоја средба меѓу претседателите на Русија и Украина, Владимир Путин и Володимир Зеленски, која ја бараат Киев и Вашингтон, треба да биде „добро подготвена“, сугерирајќи дека засега не е на агендата на Москва.
Шефовите на руската и украинската преговарачка група се во контакт. Секој друг контакт на високо ниво, или на највисоко ниво, треба да биде добро подготвен за да биде плоден, изјави портпаролот на Кремљ, Дмитриј Песков и додаде дека не е во можност да го објави датумот на идните разговори.
Американскиот претседател Доналд Трамп на 18 август изјави дека почнал подготовки за средба на рускиот и украинскиот претседател, со согласност на завојуваните страни, но потоа не зборуваше многу за тоа.
Путин и Зеленски „не се сакаат“, рече Трамп во вторникот.
Рускиот министер за надворешни работи, Сергеј Лавров, минатата недела ги поткопа надежите на Трамп, тврдејќи дека Зеленски ја блокира средбата на врвот и рече дека таква средба не е ниту планирана.
Кремљ денеска истакна дека Москва „неповолно“ гледа на разговорите за можно распоредување на европски сили на украинска територија во случај на мировен договор меѓу Русија и Украина, додека Киев бара од своите западни сојузници безбедносни гаранции за да ја одврати Русија од повторен напад.
МИА
Ново на Сител
-
Негативен природен прираст и во второто тримесечје, 1.135 помалку родени од умрени
-
Одложувањето на носењето на законот за климатска акција негативно влијае во институционалната координација за справување со климатските промени
-
РФМ: Горди сме што Македонија е домаќин на првото издание на Ракометен регионален турнир
-
Пет војни за кои експертите велат дека би можеле да избувнат во следните пет години
-
Почнува Европското првенство во кошарка 2025
-
СВР - Велес со детали за убиството во Кавадарци
-
Задржани четири лица во врска со убиството во Кавадарци
-
Од денеска стапува на сила одлуката на Трамп за двојно зголемување на царините за индискиот извоз