ЛА Клиперси по продолжение го добија Детроит

Најнеизвесниот натпревар од синоќешната понуда во НБА лигата се одигра во Детроит. 

 

Гостите од Лос Анџелес тимот на Клиперс славеше победа во дуелот со „Пистонси“ со 142-131 по дополнителните пет минути игра. 

 

Домаќините прокоцкаа 8 поени предност во завршните 90.секунди, а Бојан Богдановиќ кој со 23 поени беше најефикасен кај Детроит, во последната секунда не реализира за победа на „Пистонск“. 

 

Во продолжението гостите од ЛА примија само три поени и на крајот заслужено се радуваа на својата 20-та победа сезонава со која се на 4.место во Западната конференција.

 

Во дербито на истокот. Бруклин го победи Кливлен на гостински терен со 125-117. 

 

Предводници на оваа победа на Бруклин повторно беа Кајри Ирвинг и Кевин Дурант кои постигнаа по 32 поени. 

 

Со овој триумф популарните „мрежички“ ја продолжија низата на успеси која сега изнесува 9 победи по ред или вкупно 13-та на последните 14 одиграни натпревари.