Лавров: САД сакаат да го купат европскиот дел од Северниот тек

Шефот на руската дипломатија, Сергеј Лавров, денеска изјави дека САД сакаат да го купат европскиот дел од „Северен тек“ за да го препродаваат рускиот гас.

„Американците во моментов преговараат, или барем ни кажаа дека ова е нивниот план да го купат европскиот дел од „Северен тек“. Да го обноват и да ја преземат контролата. Но, ништо освен нашиот гас не може да се пумпа низ гасоводот“, рече Лавров, говорејќи на 12-от Меѓународен научен и експертски форум „Примаковови читања“, пренесуваат руските медиуми.

Тој заклучи дека Русија ќе го пумпа гасот и дека тие, како што претпоставува, ќе го препродадат со голема маржа.

Експлозиите на гасоводите „Северен тек 1“ и „Северен тек 2“ се случија на 26 септември 2022 година.

MИА