Лејкерси повторно купуваат од Далас

Лос Анџелес Лејкерс е во потрага по нов центар, а потенцијална опција за позицијата број пет би можел да биде поранешниот соиграч на Лука Дончиќ, Даниел Гафорд.

„Атлетик“ објави дека Гафорд е реална центарска опција за Л.А. Лејкерс, кој би можел да ги следи стапките на Дончиќ, кој на почетокот на годината беше трејдуван во тимот од „Градот на ангелите“.

- Мислам дека Даниел Гафорд е „петка“ која навистина добро би се вклопила во Л.А. Тој е реална опција, не е недопирлив во Далас, се вели во извештајот.

Гафорд, кој има 26 години, има просечни 12,3 поени, 6,9 скока и 1,9 блокади во 51 натпревар за Далас Маверикс оваа сезона, иако моментално е надвор од тимот поради повреда.