Лица со хемофилија без терапија а донација стои во магацин 1 месец

Во тешка состојба со постојани болки, стресови и ризик од крварења поради постојан недостаток на терапија. Во ваква состојба лицата со генетско нарушување на процесот за згрутчување на крвта  велат дека немаат никаква причина за да го прослават денешниот светски ден на хемофилија. Ланската година ја поминале со има – нема терапија, стравуваат да не биде вака и 2026.

-Цела 2025 со намалена месечна потрерба за обавување на сите работи. Повозрасните верувајте повеќе се во кревет врзани, тие се со големи оштетувања по зглобовите ао болки, тоа се големи болки, вели Цветанка Наќеска од здружение на лица со хемофилија.

Тендерот и годинава доцни а министерот за здравство со уверување до пациентите со хемофилија дека ќе ја имаат терапијата за две недели. Но за да не бидат во неизвесност и постојан страв здружението обезбедило донација која иако пристигнала уште пред еден месец, се уште стои во магацин.

-И не знаеме од 10 март досега од која бирократска, административна, документ овој, документ оној, ние уште не можеме да ја користиме донацијата иако е стриктно наменета за нас, вели Наќеска.

-Тоа е поради законска неможност на Институтот за јавно здравје и на Малмед како агенција, да дадат позитивно мислење за да може лекот веќе физички ни е кај нас во државата, за да може тој да се употреби, да биде пуштен во употреба. Ќе видиме, правиме напори да најдеме решение како може истиот да го ставиме во употреба ако не ќе мора да се врати од земјата каде што ни е донатор во Америка“, изјави министерот за здравсто Азир Алиу. 

Во земјата има околу 300 лица со хемофилија и не е прв пат да реагираат поради недостаток на терапија.