Macedonian Open 2026: Шест македонски тенисери во првото коло

Со натпреварите од воведното коло претпладнево официјално стартува турнирот М25 Скопје Macedonian Open 2026.

На терените на ТК „Југ“ ќе се појават шест македонски тенисери.

Калин Ивановски учеството го избори со пласманот, додека организаторот „вајлд карти“ им додели на Стефан Мицов, Амар Хусеиновиќ, Обрад Марковски и Кристијан Јанев. На оваа петорка им се приклучи и Горазд Србљак, кој извојува три победи во квалификациите и влезе на главниот турнир.

Турнирот во Скопје од серијата М25 се игра за награден фонд од 30.000 долари.

МИА