Мачката се чувствува најсигурно каде што седел нејзиниот сопственик

Иако постои општоприфатено верување дека мачките се надмени, суетни, себични – тоа, се чини, е далеку од вистината. Можеби едно од најчесто поставуваните прашања е: Зошто му го крадат местото на седење на својот сопственик, откако тој/таа ќе стане?

Не станува збор за топлината…

Ветеринарот Марк Вест од Ветеринарната клиника во Вестернпорт, Викторија, Автралија, објаснува дека мачките, всушност, покажуваат љубов со тоа што „го крадат“ местото на сопственикот на креветот, столчето, фотељата, во спалната соба. Тој нагласува дека тоа е силна емоционална врска. Според тоа, за мачката, местото каде што сопственикот седи или спие, е дел од нејзината безбедна област. Затоа, кога ќе одлучи да седне токму таму, тоа е знак дека се чувствува поврзана со лицето на кое му припаѓа тоа место.

– Кога Вашата мачка Ве гледа, таа не гледа некого што ја храни, туку – својот безбеден простор. Својата територија. За Вашата мачка, тоа не е само место за седење, тоа е Вашето место. Кога таа го избира (тоа место), таа Ве избира Вас!, појасни ветеринарот.

На овој начин, навидум безопасниот гест на мачката добива ново значење: Тоа е израз на доверба, наклонетост и сигурност што миленичето ги наоѓа во близина на својот сопственик.

МИА