Македонец загина во сообраќајна незгода во Малта

Македонецот Мартин Костов вчера загинал во сообраќајна несреќа во Слиема, Малта.

Како што беше објавено во групата „Македонска заедница во Малта“, се замолуваат сите хумани луѓе да донираат со цел да се соберат средства за транспорт на телото во Македонија.

„Почитувани

За жал вчера згасна живот на наш млад Македонец ( Мартин Костов ) во сообраќајна несреќа која се случи во Слиема.

Поради финансиски потешкотии на неговото семејство Ве замолуваме кој колку може да донира на сметка на неговиот брат Иван Костов ( сликата е во коментар ) со цел побрзо собирање на средствата за транспорт на телото од Малта во Македонија.

Да покажеме солидарност и хуманост во овие тешки мигови.

Ве замолуваме да споделите.

Почивај во мир“, пишува во статусот.