Македонија по втор пат подобра од Швајцарија

Македонската кошаркарска репрезентација вечерва во спортскиот комплекс „НБ Ноел“ во Негорски бањи ја победи Швајцарија со 65:52.

Ова е втора победа за Македонија во два дена на контролниот двомеч со швајцарската селекција.

Двата натпревара се дел од подготовките за настап во претквалификациите за пласман на Светското првенство 2027.

Репрезентацијата вечерва се враќа во Скопје, а по утрешниот слободен ден, во понеделник продолжуваат подготовките во СРЦ „Кале“. Во главниот град, македонските кошаркари ќе останат до среда, кога заминуваат за Куманово. Таму, во сабота, на 2 август ќе го играме првиот  натпревар од претквалификациите, а противник ни е репрезентацијата на Романија.

МИА