Македонските кик-боксери ги дознаа противниците на Светското првенство во Италија
Познати се ждрепките и редоследот на борбите за првиот ден од квалификациите на Светското првенство во кик-бокс што се одржува во Лидо ди Језоло, Италија.
Во македонскиот табор веќе се анализираат противниците, а стручниот штаб заедно со натпреварувачите ја подготвува тактиката за секоја борба поединечно.
„Очекувам добри борби и победи, а пред сè посакувам нашите натпреварувачи да останат без повреди“, порача претседателот на федерацијата Дејан Митровски – Урко.
Првиот натпреварувачки ден настап ќе имаат шест македонски претставници.
Во татами дисциплините, Драган Пандев во категоријата до 63 килограми во Kick Light ќе се бори против Аидан Лок од Велика Британија. Димитар Јачев во категоријата до 69 килограми ќе се соочи со Аидан Џон Брумер од Јужна Африка, додека Марко Баснарков до 74 килограми за противник ќе го има Кристијан Арборе од Италија.
Во ринг дисциплините, Милан Нешевски во Low Kick до 71 килограм ќе се бори против Мартим Серето од Португалија. Давид Атанасовски до 63,5 килограми ќе се соочи со Танасис Героглус од Грција, додека Глигор Николов до 67 килограми ќе има борба со Мухамадиброхим Рафикжонов од Киргистан.
Останатите македонски репрезентативци се слободни во првиот ден или веќе ги знаат своите следни противници.
Андреј Смилевски го очекува победникот од дуелот меѓу Рајан Тведл од Велика Британија и Александрос Мутидис од Грција, додека Калин Бабоски ќе се соочи со победникот од борбата меѓу Султонмурод Раимкулов од Узбекистан и Калис Лефевр од Франција.
Иван Кукуновски ќе се бори против Аиридас Навицкас од Литванија, Андријано Димишковски против Матвиј Кујавец од Украина, Петар Илковски против Абас Хамоди од Израел, Сергеј Ушлиновски против Диван Бресер од Јужна Африка, Марија Димовска против Хана Тур од Полска, Драгица Глигорова против Адриана Алзбета од Словачка, а Томи Андонов против Ринат Уралбај од Казахстан.
Петар Лозановски, Туркер Исмаил и Антонија Тасева ги очекуваат победниците од претходните дуели во нивните категории.
На свеченото отворање на Светското првенство присуствуваше и Фросина Ременска од Генералниот конзулат на Република Северна Македонија во Венеција. Таа ги поздрави земјите учеснички, натпреварувачите и официјалните претставници, а на македонските репрезентативци им посака успешни настапи и освојување што повеќе медали.
Во рамки на шампионатот се одржа и годишното собрание на Светската кик-бокс федерација WAKO, на кое Македонија ја претставуваа претседателот Дејан Митровски – Урко и генералниот секретар Драган Атанасовски.

Ново на Сител
-

Приведени 6 возачи во текот на изминатото деноноќие, 3 од нив имале активна забрана за управување моторно возило
-

Приведен скопјанец кој поседувал марихуана, при обид на бегство со возило удрил полициски службеник
-

Кривична пријава за 63-годишен тетовчанец, нападнал 11-годишно дете со дрвен предмет
-

Ужас во Скопје: Mажи на возраст од 47 и 62 години силувале дете помало од 15 години
-

Норвешка има „Глобален државен пензиски фонд“ вреден над 2.000 милијарди долари – теоретски по 400.000 долари по жител
-

Андоновски: Оние што ќе ја користат вештачката интелигенција, ќе напредуваат побргу, другите ќе стагнираат
-

Сајбер-безбедноста под закана: Јужна Кореја свика итен состанок поради откриени пропусти во Java
-

Крај за рампите на патарините во Македонија? Се подготвува електронска наплата според поминатите километри
