Малик Бизли уапсен под сомнение за местење на НБА натпревари

Бекот на Детроит Пистонс, Малик Бизли, е под федерална истрага за наводна вмешаност во нелегална шема за местење на натпревари од Националната кошаркарска асоцијација (НБА) во која е вклучен и тој, објави ЕСПН.

Истрагата се однесува на сезоната 2023/24, кога Бизли беше дел од тимот на Милвоки Бакс - еден од шесте тимови за кои играше во својата кариера.

Бизли е дел од НБА од 2016 година, кога беше земен на драфтот како бр.19 од Денвер Нагетс. Минатата сезона, тој играше со едногодишен договор вреден 6 милиони долари за Детроит Пистонс, а од 1 јули оваа година е слободен агент и се очекуваше да биде едно од најпосакуваните имиња на пазарот. Сепак, неговото апсење ја става неговата иднина во Лигата под сериозно прашање, која прогласи политика на нулта толеранција за вакви дела. Според ЕСПН, тој имал конкретна понуда за тригодишен договор вреден вкупно 42 милиони долари.

НБА објави дека веќе се запознаени со случајот.

Првите сомнежи за перформансите на играчот се појавија во јануари 2024 година, кога беа уплатувани многу големи суми на бројот на скокови што ќе ги запише во претстојниот натпревар.

-Истрагата не значи автоматски обвинение. Малик е невин додека не се докаже дека е виновен, како што би бил секој друг на негово место. Ништо не е официјално во овој момент, рече адвокатот на кошаркарот, Стив Хејни.

Минатата сезона, Бизли играше во сите 82 натпревари за Детроит во текот на регуларната сезона, запишувајќи 16,3 поени, 2,6 скока и 1,7 асистенции по натпревар во просек. Тој шутираше 41,6 проценти од три удари. Во 2021 година, кошаркарот беше суспендиран на 12 натпревари поради закани за насилство. Тој исто така помина 78 дена во затвор.